Молитва Богородице о зачатии ребенка

Прежде чем читать Молитву Богородице о зачатии ребенка нужно прочитать 3 раза молитву Отче Наш .

Преблагословенная Владычице, Приснодево Богородице, Бога Слова паче всякаго слова на спасение наше рождшая и благодать Его преизобильно паче всех приявшая! Море явльшаяся Божественных дарований и чудес приснотекущая река, изливающая благость всем, с верою к Тебе прибегающим! Чудотворному Твоему образу припадающе, молюся Тебе, всещедрей Матери Человеколюбиваго Владыки: удиви на мя пребогатыя милости Твоя и прошения моя, приносимая Тебе, Скоропослушнице, ускори исполнити все, еже на пользу, во утешение и спасение коемуждо устрояющи. Посети, Преблагая, рабы Твоя благодатию Твоею и подаждь недугующим цельбу и совершенное здравие, обуреваемым тишину, плененным свободу и различными образы страждущия утеши. Избави, Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий, и душевнаго разслабления, обуревания страстей и грехопадений свобода рабы Твоя, яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Емуже подобает всякая слава, честь и поклонение со Безначальным Его Отцем и Пресвятым Духом, ныне и присно, и во веки веков. Аминь.